Bakı Şəhər Mədəniyyət Baş İdarəsinin 4 nömrəli uşaq incənət məktəbi Bakı Musiqi Akademiyasının Opera Studiyasında Ümummilli Lider Heydər Əliyevin 100 illik yubileyinə həsr edilmiş hesabat konserti keçirib.

Tədbirdə əvvəlcə  foyedə kiçik rəssamların əl işlərindən ibarət sərgiyə baxış keçirilib. Sonra tədbir rəngarəng konsert proqramı ilə davam edib.

Konsertdə məktəbin müxtəlif ixtisaslar üzrə təhsil alan şagirdləri, nağaraçalanlar, sazçalanlar ansamblı, xor kollektivi, “Leyla” rəqs kollektivi bir-birindən maraqlı ifalarla çıxış ediblər.

Müxtəlif janrlar üzərində qurulan konsert proqramı məktəbin direktoru Cahangir Süleymanovun çıxışı və şagirdlərlə bərabər ifası ilə sona çatıb.