Bakı Şəhər Mədəniyyət Baş İdarəsinin  L.və M. Rostropoviçlər adına 21 nömrəli onbirillik musiqi məktəbinin müəllim və şagirdləri pandemiya dövrünün çətinliklərinə baxmayaraq bir çox nailiyyətlərə imza atıblar.

Aprel və may aylarında Mədəniyyət kanalı və Mədəniyyət Nazirliyinin birgə təşəbbüsü ilə “Bizi birləşdirən Mədəniyyət” layihəsi çərçivəsində hər həftə müxtəlif Azərbaycan bəstəkarlarının yaradıcılığına həsr olunmuş videoçarxlar hazırlayaraq  nümayiş etdiriblər.

Bakı Şəhər Mədəniyyət Baş İdarəsinin təşkilatçılığı ilə 1-9 may 2020-ci il tarixində “Qələbəyə doğru” 1-ci onlayn müsabiqədə “Simli alətlər” nominasiyasında II qrup üzrə İsmayıl İbrahimzadə - 1 yer, III qrup üzrə Braneva Firəngiz Georgiyevna – I yer, I qrup üzrə Kənan Qələndərli (müəllim - Gülnarə Seyidova) - II yer, “fortepiano” nominasiyasında III qrup üzrə Elçin Məmmədov (müəllim – Məmməd Quliyev) – II yer, “Xanəndə” nominasiyasında III qrup üzrə Kənan Agayev (müəllim - Ülviyə Orucova) - II yer, “Nəfəs alətləri” nominasiyasında I qrup üzrə Həbib Rəhimli - 1yer, III qrup üzrə trompeddə Səid Rəsulov - 1 yer, II qrup üzrə saksafonda Elvin Salmanov (müəllim - Məmmədov Füzuli) – II yer, “Xalq çalğı alətləri” nominasiyasında I qrup üzrə kamancada Nigar Hacıyeva III yerə, tarda Elvin Səfərov (müəllim -Rzayev Zamin) isə Fəxri Fərmana layiq görülüblər.

13 may Mədəniyyət kanalının dəvəti ilə “Bizi birləşdirən Mədəniyyət” verilişində Simli və nəfəs alətləri şöbəsinin müdiri Gülnarə Seyidova, Xalq çalğı alətləri şöbəsinin müəllimi Elvin Fəttayev şagirdlərlə birlikdə canlı efirdə 1 saat 30 dəqiqə çıxış ediblər. Şagirdlərin ifası ilə bərabər müəllimlərdən müsahibə alınıb, məktəbin musiqi tədris metodu və təhsil nailiyyətləri barədə maraqlı söhbətlər aparılıb.

13-31 may 2020-ci il tarixlərində Türkiyənin Qaziantep şəhərində keçirilmiş “Evde sanat var”  Beynəlxalq musiqi onlayn müsabiqəsində də məktəbin böyük uğurları olub. Elçin Məmmədov – “Qran-Pri” (müəllim-Məmməd Quliyev), Aysu Məmmədli və Ramizə Məmmədli - jürinin özəl mükafatları (müəllim-Gülnarə Seyidova), Özləm İbrahimova - jüri özəl mükafatı (müəllim-Vəfa Kuznetsova), Xəyal Əsədli - mansiyon mükafatı (müəllim–Afaq Rəhimova), Tamerlan Qafarov - jürinin özəl mükafatı (müəllim-Vladislav Kuznetsov), Lisitsin Daniyel - jürinin özel mükafatı (müəllim-Larisa Poqorelova), Elvin Səfərov - jüri özel mükafatına (müəllim – Zamin Rzayev), Nigar Hacıyeva – təşviq mükafatı (müəllim – Aynur Məmmədova) ilə təltif olunublar.

“Qavaldaş” zərb çalğı alətlərinin 3-cü Respublika və 1-ci Beynəlxalq onlayn festivalında - Sadiq Həvəskari – “Qran-Pri”, Rəşad Əlizadə (müəllim-Həsən Talıblı) 2-ci yerə layiq görülüblər.