Bakı Şəhər Mədəniyyət Baş İdarəsinin tabeliyində olan Səbail rayon Mərkəzləşdirilmiş Kitabxana Sisteminin Mərkəzi Kitabxanasında Korrupsiyaya qarşı mübarizə ilə bağlı dəyirmi masa keçirilib.

Tədbirdə korrupsiyaya qarşı mübarizənin gücləndirilməsinə dair 2022-2026-cı illəri əhatə edən çoxşaxəli Milli Fəaliyyət Planı haqqında ətraflı məlumat verilib, mövzu ilə bağlı videoçarx nümayiş olunub.

Qeyd olunub ki, korrupsiya tarix boyu cəmiyyətlərin üzləşdiyi problemlərdən olub və bu gün də bütün dünya ölkələrində aktualdır.

Tədbirdə həm beynəlxalq, həm də milli səviyyədə korrupsiyaya qarşı mübarizədə yeni təşəbbüslərin irəli sürülməsinin zəruriliyi vurğulanıb.