Avqustun 29-da Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində “Balaca qəlblərlə böyük irsə səyahət” adlı tədbir keçirilib.

Tədbirdə Q.Qasımov və Əlövsət Vəliyev adına körpələr evi – uşaq bağçaları və 19 saylı uşaq bağçası iştirak ediblər.

Əvvəlcə qonaqlar Mərkəzi ziyarət edərək Ümummilli Lider Heydər Əliyevin zəngin irsini əks etdirən ekspozisiya ilə tanış olublar.  Dahi şəxsiyyət  Heydər Əliyevin uşaqlara göstərdiyi qayğı, uşaqların inkişafı və rifahı üçün gördüyü işlər onların diqqətinə çatdırılıb.

Daha sonra uşaqlar Ulu Öndər və vətənpərvərlik haqqında şeirlər, mahnılar səsləndiriblər.

Sonda uşaqlar üçün “Tıq-tıq xanım” və “Cırtdan” çizgi filmləri nümayiş olunub.