Dekabrın 19-da Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində “Konstitusiya və uşaq hüquqları” mövzusunda tədbir keçirilib.

“Konstitusiya və Suverenlik İli” çərçivəsində keçirilən tədbirdə Fizika-Riyaziyyat və İnformatika Təmayüllü Liseyin müəllim və şagird kollektivi iştirak ediblər.
Tədbirdə Azərbaycan Respublikasının Konstitusiyasında təsbit olunmuş uşaq hüquqları, azadlıqları və vəzifələri barədə geniş məlumat verilib. Konstitusiyanın əsas müddəalarının, uşaqların hüquqlarının qorunmasının dövlət siyasətinin əsas istiqamətlərindən biri olduğu vurğulanıb.

Daha sonra “Uşaq hüquqlarının qorunmasında dövlətin rolu” mövzusunda mühazirə dinlənilib.

Tədbir zamanı şagirdlər mövzu ilə bağlı , hüquq və vəzifələrinə dair fikirlərini bölüşüb, mövzu ətrafında maraqlı müzakirələr aparıblar.

Sonda uşaq hüquqlarından bəhs edən videoçarx və maarifləndirici slaydlar nümayiş olunub.