Bakı Şəhər Mədəniyyət Baş İdarəsinin Mərdəkan Mədəniyyət Sarayında fəaliyyət göstərən "Rəhman Əlizadə adına teatr studiyası"nın təqdimatında "Komediya saatı" adlı konsert proqramı baş tutub.

Tədbirdə Azərbaycanın Əməkdar incəsənət xadimi, rejissor, dramaturq Rəhman Əlizadənin həyat və yaradıcılığı barədə məlumat verilərək bildirilib ki,  pyes, povest və hekayələrindən ibarət 4 kitabı nəşr olunub. O, K.Marlonun “Böyük Teymurləng”, J.B.Molyerin “Tartüf”, V.Şeksprin “Yay gecəsində yuxu” əsərlərini rus dilindən tərcümə edib, 30-dan çox pyesin müəllifi olub, işlədiyi teatrlarda 70-dən artıq tamaşaya quruluş verib.

Sonra "Rəhman Əlizadə adına teatr studiyası"nın təqdimatında bir-birindən maraqlı yumorla dolu səhnəciklər təqdim olunub.

Konsertdə "Lalələr" rəqs ansamblı, "Azad" rəqs qrupu, gənc müğənnilərin çıxışları maraqla qarşılanıb.