Bakı Şəhər Mədəniyyət Baş İdarəsinin tabeliyində olan  Yasamal rayon Mərkəzləşdirilmiş Kitabxana Sisteminin Mərkəzi Kitabxanasında həyata keçirilən “Kitabxanaya kitab hədiyyə edirik” layihəsi davam edir.

Layihə çərçivəsində şair, yazıçı, publisist Mürvət Qədimoğlu Həkəri “Mən şəhid olmuşam ki...”, “Qayıt yurda, qayıt”, “Bağışlama məni, Vətən” və yazıçı-publisist Gülsüm Adilqızı “Şəhidsiz Vətən olmaz” kitablarını kitabxanaya hədiyyə ediblər.

Yazıçı Mürvət Qədimoğlu Həkəri “Mən şəhid olmuşam ki...” kitabını şəhid, baş leytenant Adıgözəl Bəşirova, “Qayıt yurda, qayıt” kitabı isə özünün 70 illik yubileyinə həsr edib.

Şair Gülsüm Adilqızının “Şəhidsiz Vətən olmaz” kitabı 44 günlük Vətən müharibəsində Azərbaycan ordusunu düşmən üzərindəki əldə etdiyi tarixi Qələbəyə, soydaşlarımızın işğaldan azad olunmuş əbədi doğma yurdlarına qayıdışlarına, aparılan quruculuq və bərpa işlərinə, tarixi Qələbəmizin əbədi olmasına həsr olunub.