XƏBƏRLƏR
MƏLUMAT
Kitabxananın 45 illik yubileyi ilə əlaqədar informasiya löhvəsi hazırlanıb
ÜMÜMİ XƏBƏRLƏR
27/06/2024 10:11

Bakı Şəhər Mədəniyyət Baş İdarəsinin tabeliyində olan Yasamal rayon Mərkəzləşdirilmiş Kitabxana Sisteminin Mərkəzi Kitabxanasının 45 illik yubileyi ilə əlaqədar kitabxananın fəaliyyətini əks etdirən informasiya lövhəsi hazırlanıb.

İnformasiya lövhəsində Mərkəzi Kitabxananın təşkil olunması, kitab fondu, oxucuları haqqında , sosial şəbəkələrində və YouTube kanalında səhifələrinin olduğu qeyd olunub.

İnformasiya lövhəsində Kitabxanada keçirilən tədbirlər, ədəbi axşamlar, vətəndaşlıq və vətənpərvərlik saatları, poeziya günləri, yaradıcılıq gecələri, söhbətlər, icmallar haqqında qısa məlumat verilir. Kitab sərgilərinin, videoçarxların hazırlanması, şair və yazıçıların kitablarının müzakirəsi, yazıçı və şairlərlə görüşlərin təşkil olunduğu vurğulanıb.

Mərkəzi Kitabxananın Beynəlxalq əməkdaşlığı, davamlı layihələri haqqında məlumat, kitabxananın KİV-lərlə əlaqəsi, tərəfdaşları, hazırladığı nəşrlər də  stenddə əks olunub.

İnformasiya lövhəsində həmçinin kitabxananın təşkil etdiyi layihələr , nəşrə hazırladığı elektron  kitablar haqqında məlumatlar yerləşdirilib.

2018-ci ildən Mərkəzi Kitabxanada Fəxri oxucular institutu yaradılıb. Kitabxananın Fəxri oxucuları olan tanınmış ziyalılarımızın adları da stenddə öz əksini tapıb.

İnformasiya lövhəsinin elektron variantı aşağıdakı keçiddə yerləşdirilib:

https://drive.google.com/file/d/17Qu876YFeoozllXkE3ajqdPTK1dKjt03/view?usp=drivesdk

 

 

 

Baxış sayı: 158