Bakı Şəhər Mədəniyyət Baş İdarəsinin Səbail rayon Mərkəzləşdirilmiş Kitabxana Sisteminin Mərkəzi Kitabxanasında Azərbaycan Yazıçılar Birliyinin üzvü, “Qızıl qələm” mükafatı laureatı, dedektiv yazıçı, publisist Elxan Elatlı ilə görüş keçirilib.

Tədbirdə yazıçının yaradıcılığına dair ətraflı məlumat verilib, onun roman, hekayə və povestlərinin geniş oxucu auditoriyası olduğu, tərbiyəvi əhəmiyyət daşıdığı vurğulanıb. Onun “Cəhənnəmdən gələn səs” və “Qisas gecəsi” əsərlərində Xocalı soyqırımı zamanı vəhşicəsinə qətlə yetirilmiş həmyerlilərimizin və Milli Qəhrəman Mübariz İbrahimovun taleyindən bəhs edildiyi bildirilib.

Sonra yazıçının yaradıcılığını əks etdirən elektron kitab sərgisi nümayiş olunub.

Sonda yazıçı oxucuların suallarını cavablandırıb, romanlarından bir neçə nüsxə kitabxanaya hədiyyə edib.