Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində “Heydər Əliyevin xalqın rifahı üçün həyata keçirdiyi böyük xidmətləri” adlı mühazirə keçirilib.

"Heydər Əliyev və Azərbaycan" layihəsi çərçivəsində keçirilən mühazirədə 84 nömrəli tam orta məktəbin şagirdləri iştirak ediblər.

Mühazirədə qeyd edilib ki, Ulu Öndər Heydər Əliyev Azərbaycan xalqının rifahı naminə genişmiqyaslı sosial-iqtisadi islahatlar aparıb, onun rəhbərliyi ilə sənayeləşmə və kənd təsərrüfatının inkişafı təmin edilib, güclü enerji strategiyası həyata keçirilib, neft siyasəti formalaşdırılıb və Dövlət Neft Fondu yaradılıb. Xalqın rifahı üçün Heydər Əliyev həmçinin təhsil və elm sahəsinin inkişafına böyük diqqət göstərib, gənclərin xaricdə təhsil almasına şərait yaradıb, səhiyyə sistemini gücləndirib və sosial təminatı möhkəmləndirib. Ümummilli Lider regionların sosial infrastrukturunu inkişaf etdirmək, yol, su və elektrik şəbəkələrini yeniləmək, yeni yaşayış kompleksləri, məktəb və xəstəxanalar inşa etmək kimi mühüm addımlar atıb. Bu gün Heydər Əliyevin qoyduğu möhkəm təməl üzərində Azərbaycan sürətlə inkişaf edir.

Sonda mühazirə iştirakçıları Ümummilli Lider Heydər Əliyevin zəngin və çoxşaxəli irsini əks etdirən ekspozisiya ilə tanış olublar.