XƏBƏRLƏR
MƏLUMAT
“Heydər Əliyevin tarixi obrazı və Azərbaycan ədəbiyyatı” mövzusunda açıq dərs keçirilib
ÜMÜMİ XƏBƏRLƏR
03/05/2024 16:18

Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində Ulu Öndər Heydər Əliyevin anadan olmasının 101-ci ildönümünə həsr olunan “Heydər Əliyevin tarixi obrazı və Azərbaycan ədəbiyyatı” mövzusunda açıq dərs keçirilib.

Açıq dərsdə Yasamal rayon 308 nömrəli tam orta məktəbin  şagirdləri iştirak ediblər.

İlk öncə Azərbaycan Respublikasının Dövlət Himni səsləndirilib və Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilib.

Daha sonra “Heydər Əliyevin ədəbiyyat siyasəti və müasir dövr” adlı məruzə dinlənilib.

Açıq dərs zamanı şagirdlər “Dahi” və “Heydər baba” şeirlərini səsləndiriblər, “Sən elə bir zirvəsən” mahnısını ifa ediblər.

Sonda Ulu Öndərin həyat və fəaliyyətinə həsr edilmiş film nümayiş olunub və Mərkəzin foyesində “Yaşıl dünya naminə həmrəylik ilinə” həsr olunan sərgiyə baxış keçirilib.

 

Baxış sayı: 329