Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində “Heydər Əliyevin dövlətçilik məktəbi” mövzusunda açıq dərs keçirilib.

Açıq dərsdə Akademik Zərifə Əliyeva adına liseyin müəllim və şagird kollektivi iştirak ediblər.

Tədbir Azərbaycan Respublikasının Dövlət Himninin səsləndirilməsi ilə açıq elan edilib. Sonra Ulu Öndər Heydər Əliyevin əziz xatirəsi dərin ehtiramla anılıb.

Tədbir zamanı bildirilib ki, müstəqil Azərbaycan dövlətinin qurucusu kimi milli dövlətçiliyimizin ideya əsasını məhz Heydər Əliyev yaradıb.

Açıq dərsdə şagirdlərin iştirakı ilə  Ulu Öndər Heydər Əliyevin dövlətçilik fəaliyyətinə həsr olunan çıxışlar və mövzu ətrafında  diskussiyalar  aparılıb.

Sonda Ümummilli lider Heydər Əliyevin siyasi fəaliyyəti haqqında videoçarx nümayiş  olunub, “Heydər Əliyevin dövlətçilik məktəbi” mövzusunda məruzə dinlənilib.