Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində “Heydər Əliyev və Azərbaycan” layihəsi çərçivəsində “Heydər Əliyevin dövlətçilik fəlsəfəsi” adlı mühazirə keçirilib.

Mühazirədə Dövlət Sərhəd Xidməti Xüsusi məktəbinin kursantları iştirak ediblər.

Mühazirə zamanı Heydər Əliyevin müasir Azərbaycan dövlətçiliyinin banisi kimi XX əsrin sonları və XXI əsrin əvvəllərində ölkənin siyasi, iqtisadi və mədəni inkişafında mühüm rol oynadığı qeyd edilib. Onun dövlətçilik fəlsəfəsi milli maraqlara, suverenliyə, xalqın rifahına və gələcək inkişaf strategiyasına əsaslanıb.

Heydər Əliyevin dövlətçilik fəlsəfəsi bu gün də müasir Azərbaycan idarəçiliyində əsas yol göstəricilərdən biri olaraq qalır və ölkənin inkişafında strateji təməl rolunu oynayır.

Mühazirə diskussiya şəklində başa çatıb.

Mühazirədən sonra iştirakçılar Ulu Öndər Heydər Əliyevin həyat fəaliyyətindən bəhs edən filmə baxıb, Ümummilli Liderin zəngin irsini əks etdirən ekspozisiya və Mərkəzin rəsm studiyası ilə tanış olublar.