Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində Ümummilli Lider Heydər Əliyevin anadan olmasının 101-ci ildönümünə həsr olunmuş “Heydər Əliyev-xalq məhəbbətinin sönməz günəşi” adlı tədbir keçirilib.

İlk öncə Azərbaycan Respublikasının Dövlət Himni səsləndirilib, Ümummilli Lider Heydər Əliyevin əziz xatirəsi bir dəqiqəlik sükutla yad edilib.

Sonra Mərkəzin 2009-2024-cü illər ərzində Ulu Öndərin zəngin irsinin təbliği istiqamətindəki fəaliyyətini əks etdirən videoçarx nümayiş olunub.

Çıxış edənlər Ümummilli lider Heydər Əliyevin Azərbaycan xalqının və dövlətinin taleyüklü problemlərini həll edən tarixi şəxsiyyət olmaqla yanaşı, həm də tarixi yaradan şəxsiyyət olduğunu qeyd ediblər. Ulu Öndər Heydər Əliyevin ideyaları, zəngin dövlətçilik irsi əsasında inkişaf yolunda inamla irəliləyən müasir Azərbaycan dövləti və xalqı tarixinin şərəfli və qürurverici dövrünü yaşadığı vurğulanıb.

Bədii hissədə Naxçıvan MR-nın Əməkdar artisti  Elçin Nağıyev, Gülarə Əliyeva adına 3 nömrəli Uşaq İncəsət Məktəbinin nəfəsli orkestri, 3 nömrəli Uşaq - Gənclər İnkişaf Mərkəzi PHŞ-nin şagirdləri, “Azəri İnciləri” rəqs qrupu və S.Bəhlulzadə adına Mədəniyyət  Sarayının  nəzdində fəaliyyət göstərən “Star” rəqs qrupu çıxış ediblər.

Sonda Azərbaycan xalqının Ümummilli Lideri Heydər Əliyevin anadan olmasının 101-ci ildönümü münasibətilə Heydər Əliyev irsinin qorunması və təbliğində səmərəli fəaliyyətinə görə Mərkəz tərəfindən bir neçə məktəb və təşkilatçılar Təşəkkürnamə ilə təltif olunublar.