Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzi Ulu Öndər Heydər Əliyevin təşəbbüsü və dəstəyi ilə Azərbaycanda yaradılmış bir çox tanınmış şəxsiyyətlərin ev muzeyləri haqqında daha geniş məlumatlar toplamaq məqsədilə “Heydər Əliyev və muzeylərimiz” adlı layihəyə başlayıb.

Ümummilli Lider Heydər Əliyev Azərbaycanın tarixi və mədəni dəyərlərinə böyük önəm verib. Heydər Əliyev xalqın yaddaşında dərin iz qoymuş ziyalıların, alimlərin, yazıçıların və incəsənət xadimlərinin irsinin yaşadılması,onların həyat və yaradıcılıqlarının gələcək nəsillərə ötürülməsi istiqamətində çox mühüm addımlar atmışdır. Azərbaycanın bir çox tanınmış şəxsiyyətlərinin ev muzeylərinin yaradılması haqqında sərəncamlar imzalamış və həmin muzeylərin açılışında şəxsən iştirak etmişdir.

Bu növ mədəniyyət layihələri, Heydər Əliyevin Azərbaycan mədəniyyətini dünya səviyyəsində tanıtma və onu gələcək nəsillərə ötürmək məqsədini daşıyan siyasətinin bir hissəsi idi.

Layihədə ilk olaraq 1982-ci il, iyun ayının 10-da təntənəli açılışı olan Bülbülün Memorial muzeyi haqqında məlumat verilir.

Ətraflı məlumatla aşağıdakı linklərdən tanış ola bilərsiniz:

https://youtu.be/_BZLxFK3mJo?si=NR9SkReyXRL1P7LF

https://www.facebook.com/share/v/1Fn9fykdLh/

https://www.instagram.com/reel/DHp3tKzs4vk/?utm_source=ig_web_copy_link&igsh=MzRlODBiNWFlZA==