Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzində 18 may - Beynəlxalq Muzeylər Günü ilə əlaqədar “Heydər Əliyev və muzeylərimiz” mövzusunda tədbir keçirilib.

Tədbirdə 228, 139, 166 və 106 nömrəli tam orta məktəblərin müəllim və şagird kollektivi iştirak ediblər.

Eskursiya zamanı şagirdlər Azərbaycan xalqının böyük oğlu, Azərbaycan siyasi sisteminin yaradıcısı, azərbaycançılıq ideologiyasının banisi Ulu Öndər Heydər Əliyevin həyat və siyasi xidmətlərini əks etdirən ekspozisiya zalı və kitabxana bölməsi ilə tanış olublar.

Mərkəzin əməkdaşları Beynəlxalq Muzeylər Gününün təsis olunma tarixi, milli mənəvi dəyərləri nümayiş etdirən muzeylərin fəaliyyəti haqqında geniş məlumat veriblər. Bildirilib ki, Heydər Əliyevin Azərbaycana rəhbərliyi dövründə respublikamızda muzey işində yeni mərhələnin əsası qoyulub. Ölkəmizdə bir çox incəsənət xadimlərinin xatirə muzeyləri yaradıldııb.

Sonda şagirdlərə beynəlxalq və Azərbaycan muzeyləri haqqında videoçarx nümayiş olunub.