Aprelin 12-də Bakı Şəhər Mədəniyyət Baş İdarəsinin Suraxanı rayon Heydər Əliyev Mərkəzi və M.Ə.Sabir adına Bülbülə qəsəbə Mədəniyyət evinin birgə təşkilatçılığı ilə Azərbaycan xalqının ümummilli lideri Heydər Əliyevin 100 illik yubleyi ilə  əlaqədar “Heydər Əliyev və Azərbaycan kinosu” mövzusunda kinoviktorina keçirilib.

İlk öncə Azərbaycan Respublikasının Dövlət Himni səsləndirilib,  ümummilli lider Heydər Əliyevin və Azərbaycanın ərazi bütövlüyü uğrunda şəhid olanların xatirəsi bir dəqiqəlik sükutla yad edilib.

Yarışmada Suraxanı rayonunda fəaliyyət göstərən mədəniyyət müəsissələrinin əməkdaşlarından ibarət 5 komanda yarışıb.

Azərbaycan kinosunun uğurlarını əks etdirən videoçarx nümayiş olunub.

Sonra Azərbaycan kinosunun tarixindən, keçdiyi inkişaf yolundan, ümummilli liderin Azərbaycan kinosunun inkişafında göstərdiyi xidmətlərdən, milli kino tariximizin üzə çıxarılmasında, bu tarixin qəbul olunmasında Ulu Öndərin əvəzsiz rolundan bəhs edilib.

Viktorinada ən yüksək bal toplayan Suraxanı rayon MKS-nin komandası I yerə, “8 Mart” adına Mədəniyyət evinin komandası II yerə, M.A.Əliyev adına Mədəniyyət evinin komandası isə III yerə layiq görülərək Diplomlarla təltif olunublar.