Mayın 23-də Bakı Şəhər Mədəniyyət Baş İdarəsinin təşkilatçılığı ilə Suraxanı rayon Heydər Əliyev Mərkəzində “Hadrut, sən azadsan!” sənədli filmi nümayiş olunub.

Filmin nümayişində 278 nömrəli tam orta məktəbin müəllim və şagirdləri iştirak etdilər.

Film 2020-ci ildə baş vermiş İkinci Qarabağ müharibəsinin ən mühüm hadisələrindən biri olan Hadrut əməliyyatına həsr olunub. Filmdə, Hadrut əməliyyatını həyata keçirən cəsur əsgər və zabitlərin müsahibələri, əməliyyat zamanı çəkilmiş kadrlar və hadisələrin real görüntüləri yer alıb. Bu materiallar vasitəsilə tamaşaçılara Hadrutun azad olunması prosesinin ətraflı və emosional təsviri təqdim olunur.

Film nümayişindən sonra məktəblilər Ümummilli Lider Heydər Əliyevin zəngin irsini əks etdirən ekspozisiya ilə tanış oldular.