XƏBƏRLƏR
MƏLUMAT
“Günay” teatr-studiyası uğurları ilə tamaşaçıları sevindirir
ÜMÜMİ XƏBƏRLƏR
29/06/2021 06:39

Bakı Şəhər Mədəniyyət Baş İdarəsi Bakı Uşaq və Gənclər Teatrının nəzdində fəaliyyət göstərən rusdilli uşaqlardan ibarət “Günay” teatr-studiyası 2020-21-ci illərdə bütün dünyanın karantində  olmasına baxmayaraq, bir çox uğurlu yaradıcılıq işləri görüb və əlamətdar nəticələr əldə edib.

Bu dönəmdə studiya “İnstagram” və “Facebook” hesabları üzərindən davamlı olaraq konsertlər təşkil edərək, aktiv şəkildə onlayn fəaliyyət göstərməyə davam edib. Belə tədbirlərdən biri də Azərbaycanın qələbəsinə və torpaqlarımızın azad edilməsinə həsr olunmuş "Zəfər!" Onlayn konserti olub. Daim müxtəlif beynəlxalq onlayn müsabiqələrdə iştirak edərək hər yerdə yüksək mükafatlar və titullar əldə edib. Bu dövr ərzində 18 müsabiqədən yüzə yaxın laureat diplomu alıb. Latviya, Livan, İordaniya, İrlandiyada və Rusiyanın müxtəlif şəhərlərində (Moskva, Sankt-Peterburq, Veliky Novgorod, Sevastopol və digər şəhərlər) 9 may, kosmonavtika, Aqnii Barto, Puşkin, Nekrasov, Uşaqlar Günü münasibətilə təşkil edilən yarışlarda iştirak edib. Bütün uşaqlar "Bədii Söz" nominasiyasında iştirak edib və hər yerdən çox yüksək qiymətləndirilərək diplomlarla təltif olunublar. Rusiya səfirliyinin  keçirdiyi demək olar ki, bütün konfranslarda, tədbirlərdə, yarışmalarda daima iştirak edərək mükafatlarla təltif olunub.Bu yaxınlarda Niyazi ev muzeyində 1 İyun “Uşaqlar Günü” nə həsr olunmuş tədbirdə, daha sonra 22 iyun tarixində isə Səməd Vurğunun ev-muzeyində "Nizami Gəncəvi" ədəbi-musiqi kompozisiyası ilə çıxış edib.Studiyanın bədii rəhbəri Larisa Tarusovanın quruluşunda yeni “Nizami” adlı tamaşa hazırlanıb. Yaxın günlərdə böyük yazıçı və filosof Nizami Gəncəviyə həsr olunmuş bir sıra konsert-tamaşalar nümayiş etdirməyi planlaşdırılır.  

Studiyanın əldə etdiyi uğurlarla sosial şəbəkə hesablarından tanış ola bilərsiniz.

Baxış sayı: 445