Bakı Şəhər Mədəniyyət Baş İdarəsinin tabeliyində olan Nərimanov rayon Mərkəzləşdirilmiş Kitabxana Sisteminin Mərkəzi Kitabxanasında Xalq şairi Nəbi Xəzrinin 100 illik yubileyi ilə əlaqədar tədbir keçirilib.

Tədbirdə ədibin həyat və yaradıcılığı haqqında ətraflı məlumat verilib. Bildirilib ki, Nəbi Xəzri Azərbaycan ədəbiyyatını yeni poetik obrazlarla zənginləşdirərək onun inkişafında özünəməxsus rol oynamış görkəmli söz ustasıdır. Çoxcəhətli yaradıcılığı boyu sənətkar insanın mənəvi aləminin saflığını geniş lirik-epik lövhələrlə tərənnüm etmiş və daim ülvi ideallarla yaşamağa çağırıb.

Tədbirin bədii hissəsində Nəbi Xəzrinin şeirləri səsləndirilib və onun sözlərinə bəstələnmiş mahnı dinlənilib.