XƏBƏRLƏR
MƏLUMAT
“Gilavar Foto Klubu” beynəlxalq mükafatlara layiq görülüb
ÜMÜMİ XƏBƏRLƏR
16/04/2024 14:04

“Gilavar Foto Klubu” İctimai Birliyi beynəlxalq mükafatlarla təltif olunub.

İctimai Birlikdən AZƏRTAC-a bildirilib ki, klub “Azerbaijan Photo Salon” və “Baku” adlı beynəlxalq fotomüsabiqələrin beş il müddətində ardıcıl təşkilinə görə Beynəlxalq Foto Sənəti Federasiyasının (FIAP) təsis etdiyi “Bürünc plaket”lərə layiq görülüb.

“Gilavar Foto Klubu” artıq 7-ci dəfədir ki, “Azerbaijan Photo Salon” adlı fotomüsabiqə keçirir. Cari ilin ikinci yarısında isə “Baku” adlı fotomüsabiqənin növbəti dəfə keçirilməsi nəzərdə tutulub.

FIAP dünyada UNESCO-nun tanıdığı yeganə foto təşkilatdır. Azərbaycan Fotoqrafiya Federasiyası həmin təşkilatın üzvü, “Gilavar Foto Klubu” isə Azərbaycan üzrə təmsilçisidir.

Baxış sayı: 197