Bakı Şəhər Mədəniyyət Baş İdarəsinin tabeliyində olan Səbail rayon Mərkəzləşdirilmiş Kitabxana Sisteminin Mərkəzi Kitabxanası və 1 nömrəli kitabxana filialınınbirgə təşkilatçılığı ilə dahi Azərbaycan şairi Məhəmməd Füzulinin anadan olmasının 530 illiyinə həsr olunmuş tədbir keçirilib.

Tədbirdə elm və mədəniyyət işçiləri, ədəbiyyatsevərlər və digər qonaqlar iştirak ediblər.

Çıxışçılar orta əsr şairi və mütəfəkkiri, Azərbaycan ədəbiyyatı tarixində divan janrının ən möhtəşəm nümayəndələrindən biri olan Füzulinin həyat və yaradıcılığından, onun əsərlərinin təkcə ölkəmizin poeziyası üçün deyil, bütövlükdə Şərq və dünya ədəbiyyatı üçün əhəmiyyətindən danışıblar.

Tədbirin ədəbi-bədii hissəsində dahi şairin qəzəllərindən ibarət kompozisiyalar təqdim olunub.

Sonda qonaqlar Füzuli yaradıcılığına həsr olunmuş kitab sərgisi ilə tanış olublar.