Bakı Şəhər Mədəniyyət Baş İdarəsinin tabeliyində olan Xəzər rayon Mərkəzləşdirilmiş Kitabxana Sisteminin Mərkəzi Kitabxanasında "Ulduz" jurnalının baş redaktoru, Prezident Təqaüdçüsü, Əməkdar jurnalist, şair Qulu Ağsəs ilə görüş keçirilib.

Tədbirdə mədəniyyət işçiləri, şəhid ailələri, 149,121 və 292 nömrəli tam orta məktəblərin müəllim və şagird kollektivi, 24 nömrəli Onbirillik Musiqi Məktəbinin müəllim və şagirdləri, kitabxananın fəal oxucuları iştirak ediblər.

İlk öncə Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.

Tədbirdə Qulu Ağsəsin həyatı, yaradıcılığı haqqında məlumat verilib və slayd təqdim edilib. Daha sonra bildirilib ki, şair "Sənsən hər yer", "Külək poçtu" , "Nabran novellası", "Nöqtələr", "Dan yeri” kitablarının müəllifidir. Şeirləri türk, rus, özbək, gürcü, ukrayna, polyak dillərinə tərcümə olunub.

Görüş zamanı Qulu Ağsəs qələmə aldığı “Şuşa” adlı yeni şeirini səsləndirib və izləyicilər tərəfindən ona verilən sualları cavablandırıb.

Tədbirdə iştirak edən qonaqlar şair haqqında xoş sözlərini, fikirlərini bildirərək yaradıcılığında uğurlar arzulayıblar.