Elmira Mirzə Rza qızı Nəzirova 30 noyabr 1928-ci il Bakıda anadan olub. Bəstəkar, Azərbaycan Respublikasının Əməkdar incəsənət xadimidir (1964).

Elmira Nəzirova 1950-ci ildə Azərbaycan Dövlət Konservatoriyasını H.H.Şaroyevin fortepiano sinfi üzrə, 1954-cü ildə isə B.Zeydmanın bəstəkarlıq sinfi üzrə bitirib. 1951-ci ildən Konservatoriyada fortepiano sinfində müəllimlik fəaliyyəti ilə məşğul olub (1971-ci ilə qədər).

1953-cü isdən SSRİ Bəstəkarlar İttifaqının və Azərbaycan SSR Bəstəkarlar İttifaqının üzvü idi.1957), III (Gənclik . 1968), skripka və fortepiano üçün - Simli kvartet (1952), Elegiya (1958), violonçel və fortepiano üçün - Sonata (1952), 2 fortepiano üçün alban xalq mövzularında Süita (F.Əmirovla birgə. 1855), fortepiano üçün - 5 prelüdiya (1947), 4 etüd (1953), Variasiyalar (1953), Sonatina (1954) 5 uşaq pyesi (1957), Sonata Poema (1969), xalq mahnılarının işlənmələri, kino və dram tamaşalarına musiqilərin müəllifidir.

1990-cı ildən İsraildə yaşayan E.Nəzirova orada pedaqoji fəaliyyətlə məşğul olurdu. Onun şagirdləri arasında bir sıra beynəlxalq müsabiqələrin laureatları var, onlar Azərbaycan mədəniyyətini müxtəlif ölkələrdə təmsil edirlər.

2004-cü ildə Müslüm Maqomayev adına Azərbaycan Dövlət Filarmoniyasında bəstəkar və pianoçu Elmira Nəzirovanın 75 illik yubileyi təntənəli şəkildə qeyd edilib.

SSRİ-nin “Şərəf nişanı” ordeni ilə təltif olunub.

Məşhur Azərbaycan bəstəkarı, Əməkdar İncəsənət Xadimi, professor Elmira Nəzirova 2014-cü il yanvarın 23-də İsraildə vəfat edib.