Bakı Şəhər Mədəniyyət Baş İdarəsinin tabeliyində olan Suraxanı rayon Mərkəzləşdirilmiş Kitabxana Sisteminin 3 nömrəli filialının təşkilatçılığı ilə Azərbaycan Respublikasının Əməkdar artisti , muğam ustası, xanəndə Aygün Hümbətovanın yaradıcılığına həsr olunan dəyirmi masa keçirilib.

Tədbirdə Aygün Bəylərin həyat və yaradıcılığı haqqında məlumat verilib.Bildirilib ki, 1995-ci ildə Şövkət Ələkbərova adına musiqi kollektivini yaradaraq geniş konsert fəaliyyətinə başlayıb.

2005-ci ildə Özbəkistanın Səmərqənd şəhərində ənənəvi keçirilən “Şərq təranələri” beynəlxalq musiqi festivalında folk-muğam triosunun müşayiəti ilə çıxış edən Aygün Bəylər Azərbaycan muğam məktəbini uğurla təmsil edərək birinci mükafata layiq görülüb. Əməkdar artist 6 yanvar 2024-cü il tarixində vəfat edib.

Çıxış edənlər qeyd ediblər ki,  özünəməxsus ifası ilə musiqisevərlərin rəğbətini qazanan Aygün Bəylərin əziz xatirəsi qəlblərdə daim yaşayacaq. 

Sonda tədbirdə iştirak edən müğənninin qızı Canan təşkil olunan görüşə görə öz təşəkkürünü bildirib və kitabxanaya “Muğamın tarixi” kitabını bağışlayıb.