“Heydər Əliyev və Azərbaycan” layihəsi çərçivəsində “Elm və təhsilimizin himayədarı kimi Heydər Əliyevin gördüyü işlər” adlı mühazirə keçirilib.

Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində keirilən mühazirədə 154 nömrəli tam orta məktəbin müəllim və şagird kollektivi iştirak ediblər.

Mühazirədə bildirilib ki, Ulu Öndər Heydər Əliyev elm və təhsili hər zaman dövlətin inkişafı və cəmiyyətin tərəqqisi üçün əsas prioritet hesab edib. Onun uzaqgörən siyasəti nəticəsində minlərlə gənc dünyanın aparıcı universitetlərində təhsil almaq imkanı qazanıb, ölkəmizdə təhsil müəssisələrinin maddi-texniki bazası möhkəmləndirilib, yeni məktəblər inşa edilib. Universitetlərin beynəlxalq əlaqələrinin genişlənməsi və gənclərin intellektual inkişafına verilən dəstək də onun uzaqgörən addımlarının nəticəsidir. Bu gün Azərbaycan təhsilinin uğurları və elm sahəsində əldə olunan nailiyyətlər məhz Heydər Əliyevin yaratdığı möhkəm təməlin bəhrəsidir.

Daha sonra mühazirə diskussiya formasında davam edib.

Sonda iştirakçılar Ümummilli Lider Heydər Əliyevin zəngin irsini əks etdirən ekspozisiya ilə tanış olublar.