Sentyabrın 22-də Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində “Konstitusiya və Suverenlik İli” çərçivəsində Dövlət Suverenliyi Günü mövzusunda mühazirə oxunub.

Mühazirədə Yasamal rayon 150 nömrəli tam orta məktəblərin müəllim və şagird kollektivi iştirak ediblər.

İştirakçılar öncə Mərkəzin ekspozisiya zalında Ulu Öndər Heydər Əliyevin dövlətçilik  fəaliyyətini əks etdirən eksponatlarla tanış olublar.

Mühazirə zamanı Azərbaycan  Respublikasında son illərdə qəbul edilən  siyasi  hüquqi  qərarların  iki  konseptual  anlayışın – Konstitusiya  və  suverenliyin vəhdəti üzərində qurulmasından və müasir beynəlxalq münasibətlər sistemində dövlətlərin sabitliyi, nüfuzu və dayanıqlılığının, ilk növbədə, onların hüquqi əsaslarının möhkəmliliyindən asılı olduğunu qeyd olunub . Həmçinin bildirilib ki, Suverenlik dövlətin müstəqilliyinin, milli iradəsinin və beynəlxalq hüquqda subyekt kimi tanınmasının ən yüksək göstəricisidir.

Daha sonra Dövlət Suverenliyi Gününə həsr olunmuş videoçarx nümayiş olunub.