Bakı Şəhər Mədəniyyət Baş İdarəsinin tabeliyində olan Cövdət Hacıyev adına 3 nömrəli Onbirillik Musiqi Məktəbinin şagirdləri Türkiyə  Respublikasının İstanbul şəhərində  Qazaxıstanın “Xoşbəxt ölkənin uşaqları” ictimai fondunun təşkilatçılığı ilə keçirilən “Deniz sesi” beynəlxalq müsabiqə - festivalında uğurla çıxış edərək nailiyyətlər qazanıblar.

Məktəbin vokal ixtisası üzrə təhsil alan IX sinif şagirdi Aylin Nağıyeva “Qran Pri” mükafatına, V sinif şagirdləri Əsmər Muradlı və fortepiano ixtisası üzrə təhsil alan Zümrüd Bababəyli isə 1-ci dərəcəli diplomlara layiq görülərək laureat adını qazanıblar.