Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində şəhid Səfərov Cəsarət Xaliq oğluna həsr edilmiş “Cəsarətli qəhrəman” adlı anım tədbiri keçirilib.

Tədbirdə rəsmilər, şəhid ailələri, qazilər, veteranlar, ziyalılar, rayon ictimaiyyəti iştirak ediblər.

İlk öncə Azərbaycan Republikasının Dövlət Himni səsləndirilib,  şəhidlərin əziz xatirəsi bir dəqiqəlik sükutla yad edilib.

Daha sonra şəhid Cəsarət Səfərova həsr olunmuş videoçarx nümayiş olunub.

Çıxış edənlər 44 günlük Vətən müharibəsindən, qəhrəman oğulların ölkəmizə yaşatdığı tarixi zəfərdən danışıblar, şəhidlərin xatirəsinin  hər zaman ehtiramla yad edildiyini, hər birimiz üçün unudulmaz və əziz qalacağını qeyd ediblər.

Tədbirdə iştirak edən şəhid Cəsarət Səfərovun ailə üzvləri şəhidlə bağlı xatirələrini bölüşüblər.

Bədii hissədə rayon məktəblilərin ifasında şəhidlərə həsr olunmuş mahnı və şeir kompozisiyaları təqdim edilib.