Ələddin Abbasov 1939-cu ildən peşəkar aktyor kimi həyatını bütünlüklə Gəncə Dövlət Dram Teatrına bağlayıb. O, yüzə yaxın personaja səhnə ömrü verib. "Aydın”, “1905-ci ildə”, “Almaz”, “Bahar suları”, “Atayevlər ailəsi”, “Sən həmişə mənimləsən” və “Mənim günahım”, “Kəllə”, “Demoklin qılıncı”, Otello”, Namus”, “Azmış oğul”, “Üç qəpiklik opera”, “Anacan”, “Komsomol poeması”, “Bahar”, “Qatır Məmməd”, “Araba hələ aşmayıb”, “Qaçaq Nəbi”, “Antiqona”, “Şeyx Sənan”, “Səyavuş”, “Maral”, “Fərhad və Şirin”, “Vaqif”, “Böyük ürək” və s. tamaşalarda əsas rolları yaradıb. Aktyor eyni vaxtda kinoya da dəvət olunub. “Dəli Kür”(Cahandar ağa), “Mən ki, gözəl deyildim” (İmran), “Özgə vaxt” (Ata), “Qatır Məmməd” (Məşədi Göyüş), “Bizi dağlarda axtarın”, “Dörd bazar günü”, “Gözlə məni”, “Xatirələr sahili”, “İşarəni dənizdən gözləyin”, “Köhnə bərə”, “Koroğlu”, “Qətl günü”, “Qocalar, qocalar”, “Məkanın melodiyası”, “Nizami”, “Od içində”, “Səmt küləyi”, “Torpaq. Dəniz. Od. Səma” və s. filmlərdə xarakterik obrazlar oynayıb.

Kinoda debüt işi görkəmli rejissor Hüseyn Seyidzadənin 1960-cı ildə quruluş verdiyi “Koroğlu” filmilə başlayıb.

Ələddin Abbasov 2014-cü ildə vəfat edib.