XƏBƏRLƏR
MƏLUMAT
Bu gün bəstəkar Soltan Hacıbəyovun doğum günüdür
ÜMÜMİ XƏBƏRLƏR
08/05/2025 09:39

Bu gün SSRİ Xalq artisti Soltan Hacıbəyovun anadan olmasının 106 ili tamam olur.

Soltan Hacıbəyov Azərbaycan Dövlət Konservatoriyasında təhsil alıb. Azərbaycan Dövlət Konservatoriyasında, Azərbaycan Dövlət Akademik Filarmoniyasında çalışıb. Onun yaradıcılığında simfonik musiqi janrı əsas yer tutur. Əsərlərindən “Gülşən” baleti və “Karvan” simfonik lövhəsi daha çox şöhrət qazanıb. “Qızıl gül” musiqili komediyasının, uşaqlar üçün “İsgəndər və çoban” operasının, Xalq Çalğı Alətləri Orkestri və böyük simfonik orkestr üçün əsərlərin, mahnı və romansların, dram tamaşalarına musiqinin müəllifidir. Bəstəkar “Məhəbbət”, “Kəndçi qızı”, “İnsan”, “Eşq və intiqam”, “Əliqulu evlənir” və s. tamaşalara musiqilər yazıb. O, həmçinin “Bolqar süitası” və “Çex rəqsi” əsərlərinin bəstəkarıdır.

Soltan Hacıbəyov 1974-cü ildə vəfat edib.

Baxış sayı: 29