Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzi və Yeni Azərbaycan Partiyası Qaradağ rayon təşkilatı birlikdə Ümummilli lider Heydər Əliyevin ilk dəfə prezident seçilməsinin 31-ci ildönümü ilə əlaqədar “Böyük zəfərə aparan yolun başlanğıcı” adlı dəyirmi masa keçirib.

İlk öncə Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.

Daha sonra çıxışçılar qeyd ediblər ki, Ulu Öndərin hakimiyyətə qayıdışından sonra ölkəmizdə iqtisadi tənəzzülə son qoyulub, həmçinin vətəndaş müharibəsinin qarşısı alınıb və yeni yüksəliş mərhələsinin əsası qoyulub.

Sonda mövzu ilə əlaqədar videoçarx nümayiş etdirilib.