Bakı Şəhər Mədəniyyət Baş İdarəsinin tabeliyində olan Səbail rayon Mərkəzləşdirilmiş Kitabxana Sisteminin 1№-li kitabxana filialı 15 İyun - Milli Qurtuluş Gününə həsr olunmuş “Böyük xilaskarlıq qayıdışı” adlı tədbir keçirib.

Tədbirdə ictimai xadimlər, junalistlər, Bülbül adına Orta İxtisas Musiqi Məktəbinin şagirdləri və digər qonaqlar iştirak ediblər.

Əvvəlcə Ümummilli Lider Heydər Əliyevin əziz xatirəsi bir dəqiqəlik sükutla yad edilib.

Daha sonra Milli Qurtuluş Gününə həsr olunmuş videoçarx nümayiş etdirilib.

Çıxışlar zamanı Azərbaycan tarixinə qızıl hərflərlə yazılmış Milli Qurtuluş Gününün tarixi əhəmiyyətindən və Ümummilli Lider Heydər Əliyevin xalqımız, dövlətçiliyimiz qarşısındakı misilsiz xidmətlərindən danışılıb. Qeyd olunub ki, Ulu Öndərin qayıdışından sonra atılan addımlar Azərbaycan dövlətinin dirçəlişini təmin edib.

Tədbirin bədii hissəsində şagirdlər Vətənə, Ulu Öndərə həsr olunmuş şeirlər və mahnılar ifa ediblər.

Sonda şagirdlərə tədbirdə fəal iştiraklarına görə kitabxana tərəfindən Diplom təqdim edilib.