7 teatrın iştirak etdiyi festival Teatr Xadimləri İttifaqında,  Azərbaycan Dövlət Akademik Milli Dram Teatrında, Akademik Musiqili Teatrında və Gənc Tamaşaçılar Teatrının səhnəsində baş tutub.

Festivalda Akademik Milli Dram Teatrı “Küknarlara məktub” (müəllif Q.Çoxeli, rejissor Nigar Güləhmədova), Akademik Musiqili Teatrı  “Bir nəfəs qədər” (İdeya müəllifi Əməkdar incəsənət xadimi Əliqismət Lalayev, rejissor Samir Qulamov),  Gənc Tamaşaçılar Teatrı “İnanıram” (müəllif  Ülviyyə Heydərova, rejissor Elşad Rəhimzadə), Kukla Teatrı  “Müsyo Jordan” ( M.F.Axundov, rejissor Aleksandr Maksimçev), Lənkəran Dövlət Dram Teatrı “Haqqın 44 günü” (müəllif və rejissor Anar Babalı), Mingəçevir Dövlət Dram Teatrı  “Adsız” (müəllif - Aygün Həsənoğlu, rejissor - Vüsal Mehrəliyev) , Bakı Uşaq və Gənclər Teatrı “Son nəfəsə qədər” (müəllif və rejissor Könül Şahbazova), “Cənnətə bilet” (müəllif və rejissor İlhamə Əhmədova), “Vətən” (müəllif və rejissor Əməkdar artist İntiqam Soltan) tamaşaları nümayiş olunub.

İştirakçı teatrların tamaşaları diplom və mükafatlarla, tamaşaların rejissor və iştirakçıları,teatrlarda çalışan II Qarabağ müharibəsi iştirakçıları təşəkkürnamələrlə təltif olunub.