XƏBƏRLƏR
MƏLUMAT
“Bir həyat-bir şans” mövzusunda maarifləndirici tədbir keçirilib
ÜMÜMİ XƏBƏRLƏR
25/05/2024 21:09

Bakı Şəhər Mədəniyyət Baş İdarəsi və Sabunçu Rayon İcra Hakimiyyətinin birgə təşkilatçılığı ilə H.Abbasov adına Mədəniyyət Mərkəzində “Bir həyat-bir şans” mövzusunda narkomaniya ilə bağlı maarifləndirici tədbir keçirilib.

Tədbirdə rəsmilər,  Sabunçu Rayon Polis İdarəsinin əməkdaşları, bir sıra mədəniyyət evlərinin rəhbərləri, QHT nümayəndələri, “12 Addım” reablitasiya mərkəzinin əməkdaşları, həkim-psixoloq, valideyinlər, məktəblilər və müəllimlər iştirak ediblər.

Tədbirdə çıxış edənlər  narkomaniya ilə mübarizə istiqamətində maarifləndirmə, təbliğat və profilaktika işlərinin aparılmasının əhəmiyyətini qeyd ediblər və narkomaniyanın müasir dövrümüzün ağrılı problemi kimi xarakterizə edərək gəncləri bu bəşəri bəladan uzaq durmağa səsləyiblər.

Digər çıxışçılar yeniyetmə və gənclərin narkomaniyadan və digər zərərli vərdişlərdən qorunması və gənc nəslin savadlı, vətənpərvər ruhda böyüməsi, sağlam inkişaf etməsi istiqamətində ölkədə həyata keçirilən islahatlar, narkotiklərin qanunsuz dövriyyəsinin və narkomanlığın yayılmasının qarşısının alınması istiqamətində görülən əhəmiyyətli işlər barədə tədbir iştirakçılarına ətraflı məlumat veriblər.

Daha sonra əvvəllər narkotik aludəçisi olmuş, hazırda isə “12 Addım” reablitasiya mərkəzində müalicə olunan gənclər, idmançılar çıxış edərək  narkomaniyadan uzaq durmaları üçün tədbir iştirakçılarına çağırış ediblər.

Baxış sayı: 299