XƏBƏRLƏR
MƏLUMAT
Baş İdarənin Heydər Əliyev Mərkəzlərinə ekskursiyalar davam edir
ÜMÜMİ XƏBƏRLƏR
24/11/2023 15:04

Bakı Şəhər Mədəniyyət Baş İdarəsinin Yasamal rayon Heydər Əliyev Mərkəzinə 13 nömrəli tam orta məktəb şagirdlərinin, Qaradağ rayon Heydər Əliyev Mərkəzinə isə “N” saylı hərbi hissənin əsgər və zabit heyətinin ekskursiyası təşkil edilib.

İlk olaraq iştirakçılar Ümummilli lider Heydər Əliyevin həyat və fəaliyyətinə aid fotoşəkil və eksponatlarla tanış olublar. Mərkəzin əməkdaşları qonaqlara müasir və müstəqil Azərbaycan dövlətinin memarı, Ulu Öndər Heydər Əliyevin keçdiyi həyat yolu, ölkəmizin hərtərəfli inkişafında göstərdiyi misilsiz xidmətlər haqqında məlumatlar verib və Mərkəzin fəaliyyət istiqamətləri diqqətə çatdırılıb.

Ekskursiya zamanı həmçinin Qaradağ rayon Heydər Əliyev Mərkəzində “Heydər Əliyev İli”nə həsr olunmuş “Ümummilli lider Heydər Əliyev və Azərbaycan Mədəniyyəti 100” adlı sərgiyə baxış keçirilib.

Baxış sayı: 115