XƏBƏRLƏR
MƏLUMAT
Bakıdakı Rus evində Beynəlxalq Rəqs Günü qeyd olunacaq
ÜMÜMİ XƏBƏRLƏR
23/04/2024 14:29

Beynəlxalq Rəqs Günü ilə əlaqədar aprelin 26-da Bakıdakı Rus evində “Hamı rəqs edir!” adlı böyük bayram konserti təşkil olunacaq.

Rusiya İnformasiya-Mədəniyyət Mərkəzindən (RİMM) AZƏRTAC-a verilən məlumata görə, konsert proqramında “Gülüstan”, “Dəcəl qızlar” ansambllarının, Xəzər Universitetinin, “Baku Lindy Hoppers”, “Baku Tango Therapy” və “Baila” məktəblərinin kollektivlərinin parlaq rəqs nömrələri yer alıb. İdeyanın müəllifi xoreoqraf Lenay Seyidəlizadədir.

Beynəlxalq Rəqs Günü aprelin 29-da qeyd olunur. O, baletdən hip-hopadək bütün tərz və istiqamətlərə həsr olunub, müxtəlif mədəniyyətlərə və millətlərə aid olan insanları birləşdirir və onların bir dildə - rəqs dilində danışmasına şərait yaradır.

Tədbir 19.00-da başlayır. Giriş sərbəstdir.

Baxış sayı: 176