Bakı Şəhər Mədəniyyət Baş İdarəsinin tabeliyində olan Bakı Uşaq və Gənclər Teatrı Azərbaycan Dövlət Akademik Milli Dram Teatrının səhnəsində “Sevgi Şimşəyi” tamaşasını nümayiş etdirib.

“Sevgi Şimşəyi” tamaşasında hadisələr sevgi hekayəsi üzərində qurulub. Həmçinin tamaşada  cəmiyyətdə yaşanan aktual problemlərə, valideyn-övlad münasibətlərindəki anlaşılmazlıqlara, şəxsiyyətin formalaşmasına təsir edən mühüm amillərə toxunulur. Səhnə əsəri komediya janrında hazırlanıb.

Tamaşanın quruluşçu rejissoru Əməkdar artist İntiqam Soltandır. Rolları Bakı Uşaq Teatrının aktyorları ifa ediblər. Tamaşa Rövşən Ağayevin “Bir gecənin nağılı” pyesinin motivləri əsasında hazırlanıb.