XƏBƏRLƏR
MƏLUMAT
Bakı Uşaq Teatrının "Günay" studiyası 16-cı teatr mövsümünü "Qızıl Açar" və "Arşın mal alan" tamaşaları ilə tamamlayıb
ÜMÜMİ XƏBƏRLƏR
04/07/2019 15:10

Bakı Şəhər Mədəniyyət Baş İdarəsi Bakı Uşaq Teatrının "Günay" studiyası 16-cı teatr mövsümünü "Qızıl Açar" və "Arşın mal alan" tamaşaları ilə tamamlayıb.

"Günay" teatrı MDB və Avropa ölkələrində keçirilən müxtəlif  beynəlxalq müsabiqələr və festivalların qalibi olmaqla çoxsaylı mükafatlara layiq görülüb. Teatr həmçinin 16-cı teatr mövsümünü çox səmərəli keçirib: bu il Musa Cəlilin əsərləri əsasında "Qəddarlıq" tamaşasına görə “Testene  Art Baku” Beynəlxalq Festivalında 1-ci dərəcə laureatı  qazanıb. Studiyanın aktrisaları Leyla Mürşüdova və Əminə Əliyeva həmin festivalın “Bədii söz” solo nominasiyası üzrə 1-ci dərəcəli mükafata layiq görülüb. Leyla Mürşüdova  "Kaspiyskiy briz" beynəlxalq festival-müsabiqəsində  də “Bədii söz” solo nominasiyası üzrə 1-ci dərəcəli mükafatın laureatı olub.

Gənc aktyor İvan Teleqin "Canlı Klassiklər " Beynəlxalq müsabiqəsinin superfinalçısı olub və Moskvada Qızıl Meydanda  çıxış etmək imkanı qazanıb. Studiya Rusiya ilə əməkdaşlıq layihəsi olan  Puşkinin 220 illik və İ.Nəsimin 650 illik yubileylərinə həsr olunmuş tədbirlərdə fəal iştirakına görə diplom və fəxri fərmanlarla təltif olunub.

Müxtəlif festival-müsabiqələrdə birinci yerə layiq görülmüş “Günay” teatr studiyası payızda, Sankt-Peterburq şəhərində “Birincilər arasında birinci” devizi altında keçiriləcək festivala da qatılacaq. Yayda isə studiyamız Azərbaycanı gənc ifaçılar arasında keçirilən “Amberstar-2019” 10-cu Beynəlxalq Festival-Müsabiqədə təmsil edəcək.  Bu festival Riqa-Stokholm-Riqa “Romantirka” səyahət gəmisində olacaq.

Xüsusi maraq və istəklə hazırladığımız  “Qızıl Açar” tamaşasının  premyerası 26 iyunda Mahnı Teatrında keçirilib. Tamaşada əsasən studiyanın balacalardan ibarət qrupu iştirak edib. Əməkdar artist Mətanət İsgəndərlinin köməyilə keçirilən premyeraya tamaşaçı qismində fiziki imkanı məhdud, uşaq evlərinindən olan uşaqlar dəvət olunublar. 

"Arşın mal alan" tamaşası isə repertuarımızda xüsusi yer tutub. Hər iki tamaşanın xoreoqrafı Günəş Talıbova, ssenari, rejissor işi və musiqi tərtibatı Larisa Viktorovna Tarusovaya məxsusdur.

Baxış sayı: 54461