Gənc Rəssamların Beynəlxalq Müsabiqəsinin yekunlarına dair “Türkmənistan gənc rəssamların gözü ilə və Türk dünyası” adlı eyniadlı yeni kataloq-albom işıq üzü görüb.

AZƏRTAC Türkmənistan mətbuatına istinadla xəbər verir ki, müsabiqə Beynəlxalq Türk Mədəniyyəti Təşkilatının (TÜRKSOY) Türkmənistan Mədəniyyət Nazirliyi ilə birgə keçirdiyi “Anau – Türk dünyasının mədəniyyət paytaxtı – 2024” ili çərçivəsində baş tutub. Kataloqda Azərbaycan, Qazaxıstan, Qırğızıstan, Türkmənistan, Türkiyə və Özbəkistandan olan gənc istedadların əsərləri yer alıb.

Müsabiqənin beynəlxalq münsiflər heyətinin qərarına əsasən, əvvəllər hər bir iştirakçı ölkədən birinci, ikinci və üçüncü yerləri tutan üç qalib müəyyən edilirdi. Digər ölkələrin gənc rəssamları arasında ilk yerləri əsərləri kataloqa daxil edilmiş Zəhra Ağayeva (Azərbaycan), Balausa Amantay (Qazaxıstan), Nazik Sıdıqbekova (Qırğızıstan), Şəhrizoda Kurbanova (Özbəkistan) və Sümeyye Nur Eroğlu (Türkiyə) tutublar.

Bununla yanaşı, albomun səhifələrində Türkmənistandan olan finalçıların və qaliblərin 100-dən çox rəsm əsəri yer alıb.