Bakı Şəhər Mədəniyyət Baş İdarəsinin tabeliyində olan Yasamal rayon Mərkəzləşdirilmiş Kitabxana Sisteminin Mərkəzi Kitabxanasının əməkdaşları və kitabxananın fəal oxucuları 26 avqust Beynəlxalq Azərbaycan Muğamı və İpək Yolu üzərində yerləşən ölkələrin musiqisi günü ilə əlaqədar Azərbaycan Musiqi Mədəniyyəti Dövlət Muzeyinə ekskursiya təşkil ediblər.                                                                                               

Ekskursiya zamanı Azərbaycan milli musiqi mədəniyyətimizin dəyərli nümunəsi olan muğamın tarixi haqqında məlumat verilib, muzeyin fondunda 50 mindən çox eksponat toplandığı qeyd olunub.                                                                                                       

Həmçinin muzeyin əməkdaşları ziyarətçiləri Azərbaycanın qədim muğam ifaçılarının şəxsi musiqi alətləri ilə, musiqi sənətinin banisi Üzeyir Hacıbəylinin, milli vokal sənətinin banisi Bülbülün, görkəmli sənətkarlardan Qara Qarayevin, Fikrət Əmirovun və digər musiqi xadimlərinin not əlyazmaları və şəxsi əşyaları ilə tanış ediblər.