Dekabrın 15-də Bakı Şəhər Mədəniyyət Baş İdarəsinin tabeliyində olan Mərdəkan Mədəniyyət Sarayında “Azad” rəqs qrupunun “15 il sizinlə” adlı hesabat konserti keçirilib.

Əvvəlcə Azərbaycan Respublikasının Dövlət Himni səsləndirilib.  Sonra Vətən uğrunda canlarından keçən şəhidlərimizin əziz xatirəsi bir dəqiqəlik sükütla yad edilib.

Ardınca “Azad” rəqs qrupunun rəhbəri olan Rəhim Babayevin uğurlarını, həyat və yaradıcılığını, qrupun 15 illik fəaliyyətini və nailiyyətlərini əks etdirən videoçarx nümayiş olunub.

Çıxış edənlər qrupun fəaliyyətini yüksək qiymətləndirərək , onlara daha da yüksək zirvələri fəth etməyi arzulayıblar.

Tədbirdə “Azad” rəqs qrupunun “Cəngi”, “Naxçıvan”, “İspan”, “Azadlıq”, “Şərq”, “Alma”, “Azərbaycan süitası”, “Zəfər yolu”, “Üzüm”, “İncilər”, “Odlar yurdu” rəqsləri nümayiş olunub. Həmçinin gənc və istedadlı müğənnilərin çıxışı tədbirə xüsusi rəng qatıb.

Sonda “Azad” rəqs qrupunun rəhbəri və rəqqasları Mədəniyyət Sarayı tərəfindən diplomlarla təltif olunublar.