Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində  “Aprel döyüşləri-tarixi zəfərin başlanğıcı” mövzusunda tədbir keçirilib.

Tədbirdə Yasamal rayon 52 və 53 nömrəli tam orta məktəblərin şagirdləri  iştirak ediblər.

İlk öncə şagirdlərə Ulu Öndərin həyatının və ictimai-siyasi fəaliyyətinin müxtəlif dövrlərini, zəngin və çoxşaxəli siyasi irsini əks etdirən eksponatlar haqqında məlumat verilib.

Daha sonra vətənin azadlığı uğrunda canlarını fəda etmiş şəhidlərimizin xatirəsi bir dəqiqəlik sükutla yad edilib.

Tədbir zamanı mövzu ilə bağlı məruzə dinlənilib, “Şanlı aprel” sənədli filmi nümayiş olunub.

Sonda şagirdlərin ifasında vətənpərvərlik mövzusunda və şəhidlərimizə həsr olunan şeirlər səsləndirilib.