Sentyabrın 25-də Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzinin və YAP Qaradağ rayon təşkilatının birgə təşkilatçılığı ilə “Anım Günü – Zəfər tariximizin başlanğıcı” mövzusunda dəyirmi masa keçirilib.

Dəyirmi masada rəsmilər, şəhid ailələrinin üzvləri, ictimaiyyət nümayəndələri və fəal gənclər iştirak ediblər.

İlk olaraq Ümummilli Lider Heydər Əliyevin abidəsi önünə gül dəstələri qoyulub və xatirəsi ehtiramla anılıb.

Tədbir Azərbaycan Respublikasının Dövlət Himninin  səsləndirilməsi ilə açıq elan edilib və şəhidlərin əziz xatirəsi bir dəqiqəlik sükutla yad olunub.

Çıxışçılar Anım Gününün tarixi əhəmiyyətindən, Azərbaycan Respublikasının suverenliyi və ərazi bütövlüyü uğrunda gedən mübarizədə əsgər və zabitlərimizin rəşadətindən , arxa cəbhədə çalişan mülki insanlarımızın bir yumruq kimi birlik və həmrəylik numayiş etdirməsindən bütövlükdə xalqımızın Ali Baş Komandanın rəhbərliyi altında birləşərək əzm və iradə ortaya qoymasından,qəhrəman oğul və qızlarımızın qanı ilə yazılmış igidlik salnaməsindən bəhs ediblər.

Daha sonra Anım Gününə həsr olunmuş videoçarx nümayiş etdirilib.

Sonda Mərkəzin foyesində Vətən müharibəsindən bəhs edən kitab sərgisinə baxış keçirilib.