27-30 mart tarixlərində Bakı Şəhər Mədəniyyət Baş İdarəsinin dəstəyi, C.Hacıyev adına 3 nömrəli Onbirillik Musiqi Məktəbinin və Qazaxıstanın “Xoşbəxt ölkənin uşaqları” İctimai Fondunun təşkilatçılığı ilə “Біз бақытты баламыз” adlı çoxjanrlı beynəlxalq müsabiqə keçirilib.

C.Hacıyev adına 3 nömrəli Onbirillik Musiqi Məktəbində keçirilən müsabiqədə Rauf Hacıyev adına 15 nömrəli Onbirillik Musiqi Məktəbinin, 33 nömrəli Uşaq Musiqi Məktəbinin  şagirdləri uğurla iştirak ediblər.

Rauf Hacıyev adına 15 nömrəli Onbirillik Musiqi Məktəbinin şagirdləri fleyta ixtisası nominasiyası üzrə Ayan Şirzad II dərəcəli laureat, Leyla Həsənli III dərəcəli laureat, Zinin Danil III dərəcəli laureat (müəllim: Ülviyyə Babayeva), truba ixtisası üzrə Fateh Bəhramlı III dərəcəli laureat (müəllim: Ədalət Abbasov), violin ixtisası üzrə Mələk Axundzadə (müəllim: Babək Osmanov) diploma layiq görülüblər.

33 nömrəli Uşaq Musiqi Məktəbinin xalq çalğı alətləri şöbəsinin tar ixtisası üzrə təhsil alan IV sinif şagirdi Toğrul Şıxəliyev (müəlli Emin Bəhramlı, konsertmeyster Lalə Hüseynova) I yerə layiq görülüb.

Qeyd edək ki, müsabiqədə Azərbaycan, Qazaxıstan, Özbəkistan və Qırğızıstandan olan iştirakçılar ifaları ilə öz ölkələrini təmsil ediblər.