Azərbaycan Elm və Təhsil Nazirliyinin, Azərbaycan Mədəniyyət  Nazirliyinin, Ü.Hacıbəyli adına Bakı Musiqi Akademiyasının və Bülbül  adına orta ixtisas musiqi məktəbinin birgə təşkilatçılığı  ilə Heydər  Əliyevin  anadan  olmasının  100  illiyinə  həsr  edilmiş  ali, ümumtəhsil və orta ixtisas təhsil müəssisələri, musiqi məktəblərinin şagird və tələbələri arasında gənc ifaçıların IV Respublika  Müsabiqəsi keçirilib.

Müsabiqədə Bakı Şəhər Mədəniyyət Baş İdarəsinin A.Məlikov  adına 11 nömrəli onbirillik musiqi məktəbinin fortepiano ixtisası üzrə V  sinif  şagirdi Amira Məcidova müsabiqədə  uğurla çıxış edərək III yerə, VI sinif  şagirdi Seyfəddin Həsənli Diploma layiq  görülüblər.   

Həmçinin musiqi məktəbinin şagirdləri 6-7 may tarixlərində Rəşid  Behbudov adına Mahnı Teatrında Azərbaycan Gənclər İttifaqı,  Azərbaycan Rəqs  Assosiyası  və  Jam  Groupun   təşkilatçılığı  ilə  keçirilən “Arts  Olimpia” adlı  İncəsənət  Olimpiadasında  iştirak  ediblər.

Müsabiqənin  nəticələrinə əsasən musiqi məktəbinin fortepiano ixtisası üzrə IV sinif  şagirdi Ayan İsrailova, III sinif şagirdi  Zeynəb Əsədova uğurla çıxış edərək Laureat  adına layiq  görülüblər.