Bakı Şəhər Mədəniyyət Baş İdarəsinin tabeliyində olan A.Məlikov adına 11 nömrəli Onbirillik Musiqi Məktəbi COP 29-a həsr  olunmuş “Yaşıl Dünya Naminə Həmrəy olaq” adlı tədbir  keçirib.

Tədbirdə çıxış edənlər qlobal ekoloji problemlərin ətraf mühitə təsiri, yaratdığı sosial-iqtisadi fəsadlar, yaşıl enerji və onun istixana qazlarının azaldılmasında rolu, COP29-un Azərbaycana ekoloji baxımdan qazandıracağı üstünlüklərdən bəhs ediblər.

Sonra məktəbin müxtəlif ixtisaslar üzrə təhsil alan şagirdlərinin ifasında əsərlər səsləndirilib.