Bakı Şəhər Mədəniyyət Baş İdarəsinin tabeliyində olan Xəzər rayon Mərkəzləşdirilmiş Kitabxana sisteminin 1 nömrəli kitabxana filialında 8 noyabr - Zəfər Günü ilə əlaqədar dəyirmi masa keçirilib.

Əvvəlcə torpaqlarımızın azadlığı uğrunda qəhrəmancasına canlarından keçmiş şəhidlərimizin əziz xatirəsi bir dəqiqəlik sükutla yad edilib.

Daha sonra tədbirdə Zəfər tariximiz haqqında  geniş məlumat verilib. Qələbəmizdən bəhs edən "Zəfəri yaşayanlar, yaşadanlar", "Vida. Səmada uçuşan 45 məktub", "Xatirələri danışan məktublar"  kitabları haqqında geniş məlumat verilib.

Sonda tədbirdə iştirak edən 181 nömrəli tam orta məktəbin şagirdləri vətənpərvərlik mövzusunda şeirlər səsləndiriblər.