Bakı Şəhər Mədəniyyət Baş İdarəsinin tabeliyində olan Mərdəkan Mədəniyyət Sarayında 8 Mart-Beynəlxalq Qadınlar Gününə həsr olunan konsert proqramı keçirilib.

Tədbir Azərbaycan Respublikasının Dövlət Himninin səsləndirilməsi ilə başlanıb, ardınca vətən uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbirdə rəsmilər, ziyalılar və ictimaiyyət  nümayəndələri iştirak ediblər.

İlk olaraq bayram münasibətilə bütün xanımlar, başda şəhid anaları olmaqla təbrik edilib. Daha sonra bu günün yaranma tarixi haqqında məlumat verilib.

Tədbirin bədii hissəsində tanınmış müğənnilər, 44 günlük müharibənin iştirakçısı, qazi Əli Səlimov, Sarayın solistləri, “Lalələr”  rəqs ansamblı, “Mələklər” rəqs qrupu çıxış ediblər.

Həmçinin tədbirdə II-ci Qarabağ müharibəsinin şəhidi Ramil Yusifzadənin anası Reyhan Yusifova  “İgid şəhidlərin anasıyam” mahnısını ifa edib.

Sonda bayram münasibətilə tədbirdə iştirak edən bütün şəhid analarına hədiyyə və gül dəstələri təqdim olunub.