Bakı Şəhər Mədəniyyət Baş İdarəsinin tabeliyində olan Yasamal rayon Mərkəzləşdirilmiş Kitabxana Sisteminin kitabxanaları  27 sentyabr - Anım Günü ilə əlaqədar tədbirlər keçiriblər.

Tədbirlərdə Vətən, torpaq uğrunda canlarından keçmiş şəhidlərimizin əziz xatirəsi bir dəqiqəlik sükutla yad olunub.

Mərkəzi Kitabxananın A.Məmmədov adına 38 nömrəli tam orta məktəbdə keçirdiyi tədbirdə Vətən müharibəsində qəhrəmancasına döyüşmüş, ölkənin ərazi bütövlüyü yolunda canlarını fəda etmiş əsgər və zabitlərin qəhrəmanlıqları haqqında danışılıb.

1 nömrəli kitabxana filialın əməkdaşları 162 nömrəli orta məktəbin müəllim və şagirdləri ilə birlikdə İkinci Fəxri Xiyabanı ziyarət ediblər. Daha sonra 1 nömrəli kitabxana filialının əməkdaşları Telman Abbasov adına 225 nömrəli tam orta məktəbdə  “44 günlük müharibə: anmaq bizə vəsiyyətdir” adlı tədbir keçiriblər.Tədbirdəmövzu ilə bağlı ətraflı məlumat verilib.

2 nömrəli kitabxana filialı “Vətən sevgisi- şəhidlik zirvəsi”, 4 nömrəli kitabxana filialı “Qəhrəmanlarımızı unutmuruq” adlı tədbir keçiriblər. Tədbirlərdə Azərbaycan Respublikasının Prezidenti İlham Əliyevin 2 dekabr 2020-ci il Sərəncamına əsasən Vətən müharibəsində qəhrəmancasına döyüşmüş, ölkəmizin ərazi bütövlüyü uğrunda canlarını fəda etmiş əsgər və zabitlərimizə ehtiram əlaməti olaraq hər il sentyabrın 27-si Azərbaycanda Anım Günü kimi qeyd edildiyi vurğulanıb.